AZƏRBAYCAN DÖVLƏT İQTİSAD UNİVERSİTETİNDƏ COP 29 VƏ “YAŞIL DÜNYA NAMİNƏ HƏMRƏKLİK İLİ” ÇƏRÇİVƏSİNDƏ KONFRANS KEÇİRİLMİŞDİR

 29 may 2024-cü il tarixində Azərbaycan Dövlət İqtisad Universiteti tərəfindən keçirilən “Davamlı inkişaf şəraitində yaşıl iqtisadiyyat: çağırışlar və gözləntilər” mövzusunda tələbə və gənc tədqiqatçıların beynəlxalq elmi-praktiki konfransının plenar iclasının açılışında Ekologiya İnstitutunun direktoru, professor Bəhram  Əliyev nitq söyləmişdir. Çıxışında B. Əliyev dünyada, o cümlədən Azərbaycanda yaranmış ekoloji problemlər və onların həlli yolları haqqında da məlumat vermişdir. Həmçinin plenar iclas iştirakçılarını müəllifi olduğu “Azərbaycanın müasir ekoloji problemləri və onların həlli yolları” konsepsiyası ilə tanış etmişdir.