MİLLİ AEROKOSMİK AGENTLİYİNİN ƏMƏKDAŞI AZƏRBAYCAN TEXNİKİ UNİVERSİTETİ VƏ MİLLİ AVİASİYA AKADEMİYASININ TƏLƏBƏLƏRİ İLƏ BİRGƏ İLKƏ İMZA ATMIŞDI

Ulu Öndər Heydər Əliyevin anadan olmasının 101 illiyi münasibətilə Azərbaycan Texniki Universitetinin (AzTU) və Milli Aviasiya Akademiyasının (MAA) tələbələrinin birgə hazırladığı müdafiə təyinatlı pilotsuz uçuş aparatının (PUA) ilk uçuşu 10 may 2024-cü il tarixində həyata keçirilib. Qeyd edək ki, sözügedən PUA AzTU, Türk Aviasiya ve Kosmik Sənayesi Şirkəti (TUSAŞ) və MAA-nın birgə əməkdaşlığı çərçivəsində həyata keçirilən “AzTU-Turkish Aerospace, MGP 2023.1” yüksək ixtisaslı mühəndis hazırlığı təlim proqramı nəticəsində ərsəyə gəlmişdir.

Layihə iştirakçıları 8 ay ərzində TUSAŞ mütəxəssislərinin təlimlərinə qatılaraq Mühəndis Gelişdirmə Proqramını (MGP) uğurla başa vurublar. Milli Aerokosmik Agentliyinin Təbii Ehtiyatların Kosmik Tədqiqi İnstitutunun böyük elmi işçisi Cabbarlı Bibixanım Rəvayət qızı həmin layihədə iştirak etmiş və sertifikat əldə etmişdir.

PUA-nın bütün detalları layihə çərçivəsində AzTU-da yaradılan xüsusi emalatxanada hazırlanmışdır.