QIRĞIZISTANIN AZƏRBAYCANDAKI SƏFİRİ MİLLİ AEROKOSMİK AGENTLİYİNİN QONAĞI OLUB

14 may 2024-cü il tarixində Qırğızıstan Respublikasının ölkəmizdəki fövqəladə və səlahiyyətli səfiri Kairat Osmonaliyev və səfirin köməkçisi Almaz  Aydosov Milli Aerokosmik Agentliyinin qonağı olub. Səfiri Milli Aerokosmik Agentliyinin baş direktoru, professor Natiq Cavadov qarşılamışdır. Qonaqlar Tofiq İsmayılov adına muzeydə olmuş, Milli Aerokosmik Agentliyinin tarixi və fəaliyyəti barədə onlara ətraflı məlumat verilmişdir.

Qonaqları rəhbərlik etdiyi müəssisədə qarşılamaqdan məmnun olduğunu deyən  Milli Aerokosmik Agentliyinin baş direktoru, professor Natiq Cavadov onları salamlayaraq Azərbaycan-Qırğızıstan təşkilatları arasında əməkdaşlığın əhəmiyyətindən söz açmış, ölkələrimizin kosmik sahədə əlaqələrinin yaradılması və daha da inkişaf etdirilməsində belə görüşlərin əhəmiyyətini xüsusi vurğulamışdır. 

Səmimi qarşılanmaya və xoş sözlərə görə təşəkkürünü bildirən cənab səfir Kairat Osmonaliyev Azərbaycanın Qırğızıstan üçün dost ölkə olduğunu diqqətə çatdırmış və demişdir ki, təmsil etdiyi ölkə sürətlə inkişaf edən Azərbaycanla bütün sahələrdə əməkdaşlıq etməyə hər zaman hazırdır. Daha sonra cənab səfir görkəmli qırğız yazıçısı Çingiz Aytmatovun Azərbaycan dilində çapdan çıxmış “Dağlar yıxılanda“ kitabını hədiyyə etmişdir.

Görüşdə Azərbaycan ilə Qırğızıstan arasında münasibətlərin genişləndirilməsi, qarşılıqlı səfərlərin, ortaq layihələrin təşkili və digər məsələlər müzakirə olunmuşdur.