MİLLİ AEROKOSMİK AGENTLİYİNİN QAZİ ƏMƏKDAŞININ TOYU KEÇİRİLDİ

   17.11.2023 cü il tarixində Vətən müharibəsində qəhrəmanlıq göstərərək həyatları bahasına torpaqlarımızı düşmən işğalçılarından azad edən, cəsur oğullarımızdan biri, hazırda MAKA-nın Ekologiya İnstitutunda çalışan qazi Ömər Əmiraslanovun toy mərasimi keçirildi. Toyda MAKA-nın  baş direktoru Natiq Cavadov və tabe müəssisələrin əməkdaşları iştirak edirdi. Natiq Cavadov öz adından və çoxsaylı kollektivi adından Ömərə gələcək ailə həyatında xoşbəxtlik və səadət arzuladı, valideynlərinə gözaydınlığı verdi. Ömər çalışdığı müəssisədə onlara daim göstərilən yüksək, hərtərərfli diqqət və qayğıya görə Natiq müəllimə və bütün kollektivə öz minnətdarlığını bildirdi. Qeyd edək ki, qazi Ömər Əmiraslanov “Xocavəndin azad olunmasına görə” və “Vətən müharibəsi iştirakçısı” medalları ilə dövlət rəhbərliyi tərəfindən təltif olunmuşdur.