MAKA ƏMƏKDAŞI TEKNOFEST 2023-də QALİB OLUB

Türkiyədə keçirilmiş “Teknofest 2023” Uluslararası İnsansız Hava Araçları (Beynəlxalq İnsansız Uçuş Aparatları) yarışmasında Milli Aerokosmik Agentliyinin əməkdaşı Əliağa Sahibcanovun daxil olduğu Drone X komandası 1-ci yerə layiq görülərək qalib elan olunmuşdur. Komandanın tərkibi Azərbaycan və Türkiyədən olmaqla, festivala yeni  mexanizm və idarəetmə sistemi ilə təchiz olunmuş silahlı kvadrokopter ilə qatılmışlar. Təqdim olunan kvadrakopter tam avtonom şəkildə uçaraq, hava məkanında olan dronları təyin edir və onları hədəfə alaraq məhv edir. Uğurlu nəticə əldə olunması səbəbindən Drone X komandası ABŞ-da bu ilin iyun ayında keçiriləcək SUAS 2023 yarışmasında iştirak edəcək.