“Ölçmə sistemlərinin yaradılması” şöbəsinin elmi seminarı
Milli Aerokosmik Agentliyin Təbii Ehtiyatların Kosmik Tədqiqi İnstitutunda “Hidrogen qurğusunun laborator maketinin yaradılması” mövzusunda elmi seminar keçirilib.
Elmi seminarda “Ölçmə sistemlərinin yaradılması” şöbəsinin rəisi, f.ü.f.d., dos., Sevinc Bəşirova mövzu üzrə geniş təqdimatla çıxış edib.
Daha sonra şöbənin əməkdaşları böyük elmi işçi Nigar Abdullayeva və elmi işçi Lalə Əhmədli mövzu üzrə məruzələrlə çıxış ediblər.
Seminar iştirakçıları tərəfindən mövzu böyük maraqla qarşılanıb və geniş müzakirələrə səbəb olub. Sonda iştirakçıların sualları cavablandırılıb.
