60 İLLİK YUBİLEY

16 sentyabr 2024-cü il tarixində Milli Aerokosmik Agentliyində (MAKA) Elmi-Tədqiqat Aerokosmik İnformatika İnstitutunun direktoru, professor, Prezident təqaüdçüsü, Azərbaycan Respublikasının əməkdar müəllimi Elçin İsgəndərzadənin 60 illik yubiley tədbiri keçirildi.

MAKA-nın baş direktoru, professor Natiq Cavadov kollektiv adından yubilyarı 60 illik yubiley münasibətilə səmimi qəlbdən təbrik edərək, ona möhkəm can sağlığı və yeni yaradıcılıq uğurları arzuladı. Daha sonra yubilyara ünvanlanmış Azərbaycan Respublikası Müdafiə Sənayesi naziri cənab Vüqar Mustafayevin müvafiq əmri ilə Azərbaycan Respublikası Müdafiə Sənayesi Nazirliyinin və MAKA-nın Fəxri Fərmanlarını təqdim etdi.

Təbriklərə qoşulan MAKA-nın əməkdaşları Elçin müəllimə ən səmimi arzularını bildirərək onun mənəvi keyfiyyətlərindən və xidmətlərindən söz açdılar.

Sonda professor Elçin İsgəndərzadə ona ünvanlanan sözlərə və təbriklərə görə tədbir iştirakçılarına minnətdarlığını bildirdi.