MAKA RƏHBƏRLİYİ LƏNKƏRAN ŞƏHƏRİNƏ EZAM OLUNMUŞLAR
Milli Aerokosmik Agentliyinin (MAKA) baş direktoru, professor Natiq Cavadovun başçılığı ilə rəhbər heyət MAKA-nın Xüsusi Konstruktor Texnoloji Bürosunun (XKTB) fəaliyyəti ilə tanış olmaq məqsədilə Lənkəran şəhərinə ezam olunmuşlar.
Səfərdə məqsəd, XKTB-nin iş şəraiti, işçilərin elmi-tədqiqat fəaliyyəti, sosial vəziyyəti və görülmüş işlər haqqında yerində tanış olmaq idi. MAKA-nın baş direktoru professor Natiq Cavadov və rəhbər heyət işçilərin fəaliyyəti ilə tanış olduqdan sonra, onların apardıqları elmi-tədqiqat işləri ilə bağlı öz tapşırıq və tövsiyyələrini verdi.
Qeyd edək ki, XKTB-da ixtisaslaşmış 4 elmi-təcrübi şöbə fəaliyyət göstərir:
- “Bitki-torpaq ekosistemlərinin monitorinqi” şöbəsi.
- “Hidroekoloji və regional su ehtiyatlarının tədqiqi” şöbəsi.
- “Aqrometeoroloji ölçmələr və analiz” şöbəsi.
- “Konstruktor-texnoloji” şöbəsi.
Sonda professor Natiq Cavadov XKTB-nun bütün işçilərinə gələcək fəaliyyəti üzrə uğurlar arzuladı.