MAKA-DA “TOFİQ İSMAYILOV ADINA KABİNET MUZEYİNİ” ZİYARƏT EDİLİB

19 noyabr 2021-ci il tarixində MAKA-nın baş direktoru professor Natiq Cavadov və agentliyin əməkdaşları Qarabağda Ermənistan separatçıları tərəfindən vurulmuş helikopter qəzasında şəhid  olmuş akademik “Tofiq İsmayılov adına kabinet muzeyini” ziyarət edib.

Akademik Tofiq İsmayılov haqqında professor Natiq Cavadov öz xatirələrini bölüşdü və onun Azərbaycan elmi və kosmik sənayesi üçün həyata keçirdiyi işlər barədə ətraflı məlumat verdi. O, qeyd etdi ki, Milli Aerokosmik Agentliyi Ulu Öndər Heydər Əliyevin dəstəyi və təşəbbüsü  ilə yaradılmış, akademik Tofiq İsmayılovun rəhbərliyi altında böyük nailiyyətlər qazanılmışdır. Bu gün də Milli Aerokosmik Agentliyi öz fəaliyyətini uğurla davam etdirir, kollektivimiz kosmik  tədqiqatların əhatə məkanın genişləndirilməsi yolunda  var gücü ilə çalışır.